Эрдэс баялгийн салбарт хариуцлага, хуулийн хэрэгжилтийг сайжруулж, авлига, ашиг сонирхлын зөрчлийн эрсдэлийг бууруулахад зорилгоор Уул уурхай, хүнд үйлдвэрийн яам, Нээлттэй нийгэм форум, Олборлох үйлдвэрлэлийн засаглалыг сайжруулах төслийн ажлын албаны хамтран байгуулсан Эрдэс баялгийн салбарын гэрээний мэдээллийн цахим санг 4 сарын 22-ны өдөр олон нийтэд танилцуулах гэж байна. Уул уурхай, газрын тосны салбарт төв орон нутгийн хэмжээнд байгуулагдсан 14 төрлийн 400 гаруй гэрээг байршуулж нийтэд ил тод болголоо. Хөрөнгө оруулалт, бүтээгдэхүүн хуваах зэрэг Засгийн газрын түвшинд байгуулагддаг томоохон гэрээнээс эхлээд тусгай зөвшөөрөл эзэмшигчээс нутгийн захиргааны байгуулдаг гэрээ зэрэг энэ салбарын бүх гэрээг иргэд татан авч, талуудын үүргийн хэрэгжилтэд хяналт тавих боломж нээгдлээ.
Харилцагч түншүүд
