Монголын Олборлох үйлдвэрлэлийн ил тод байдлын санаачилгын Үндэсний зөвлөлийн 17-р хуралдаан 2018 оны 12-р сарын 19-ний өдөр Уул уурхай, хүнд үйлдвэрийн яамны хурлын танхимд боллоо.
Хуралдаанаар Монгол Улсын ОҮИТБС-ын 2017 оны нэгтгэл тайлан, 2018 оны ажлын төлөвлөгөөний биелэлт, 2018 оны ахиц дэвшлийн тайлан, 2019 оны ажлын төлөвлөгөө, Эрдэс баялгийн салбар дахь ашиг хүртэгч эздийг ил тод болгох 2020 замын зургийн явц, Олборлох үйлдвэрлэлийн ил тод байдлын санаачилгын тухай Засгийн газрын тогтоолд нэмэлт өөрчлөлт оруулах тухай асуудлуудыг хэлэлцэн шийдвэрлэлээ.
Монголын олборлох үйлдвэрлэлийн ил тод байдлын санаачилгын 2017 оны тайланд Засгийн газар 2091 компаниас хүлээн авсан орлогоо тайлагнасан бол 1489 компани төлсөн татвар, төлбөр, хандив дэмжлэгээ тайлагнасан. Нэгтгэл тайланг боловсруулахаар шалгарсан Монгол, Их Британы Улаанбаатар аудит корпорац, Харт Нойрс консорциум эдгээр компаниудаас 230 компанийг сонгон авч тулган баталгаажуулалтыг хийлээ. Тайланд дурдсанаар 2016 онд засгийн газар 2 их наяд 206 тэрбум төгрөг хүлээн авчээ.
Хурлын тэмдэглэл, нэгтгэл тайлан болон холбогдох бусад баримт бичгийг хавсралтаас үзнэ үү.
ОҮИТБС-ын Үндэсний зөвлөлийн 17-р хуралдааны тэмдэглэл
ОҮИТБС-ын 2017 оны нэгтгэл тайлан
ОҮИТБС-ын 2017 оны нэгтгэл тайлангийн хавсралт
ОҮИТБС-ын 2019 оны ажлын төлөвлөгөө
ОҮИТБС-ын 2018 оны ахиц дэвшлийн тайлан
ОҮИТБС-ын 2018 оны төлөвлөгөөний биелэлт
Ашиг хүртэгч эздийн ил тод байдлыг хангах замын зураг хөтөлбөрийн биелэлтийн явц
2018 онд хуралдсан Үндэсний зөвлөлийн хурлын ирц
2018 онд хуралдсан Ажлын хэсгийн хурлын ирц
Харилцагч түншүүд
