ОҮИТБС-ын Олон улсын бага хурал нь ОҮИТБС-ын удирдах дээд байгууллага бөгөөд 2 жил тутамд зохиогддог. Энэ удаагийн 6 дугаар бага хурал Австрали улсын Сидней хотноо 2013 оны 5 дугаар сарын 23-24-ны өдрүүдэд зохиогдож дэлхийн 96 орны 1200 гаруй зочид төлөөлөгчид, 100 илтгэгчид оролцов.

Монгол Улсаас УИХ гишүүн, Уул уурхайн сайд, ОҮИТБС-ын Үндэсний зөвлөлийн орлогч дарга Д.Ганхуяг тэргүүтэй төр засаг, компани, иргэний нийгэм, хэвлэл мэдээллийн байгууллагын төлөөлөл бүхий 15 хүн бага хуралд оролцож, өөрийн орны үзэсгэлэн гаргав.

Засгийн газар ОҮИТБС-ын 2012 оны тайлангаа 1829 компаниар гаргаж, 2012 оны төсвийн жилд олборлох үйлдвэрлэлийн компаниудаас 1 их наяд 534 тэрбум төгрөгийн татвар, төлбөр хүлээн авснаа мэдэгдсэн байна. Засгийн газрын ОҮИТБС-ын 2012 оны тайланг эндээс татаж авна уу. 

Олборлох үйлдвэрлэлээс бий болсон орлогыг олон улсын хөндлөнгийн аудитаар баталгаажуулж, нийтэд ил тод мэдээлэх, улмаар тэрхүү орлогыг нийгэмд үр ашигтай байдлаар зарцуулах, авилгаас урьдчилан сэргийлсэн, орлогын зохистой менежментийн орчинг бүрдүүлэхэд чиглэн ажилладаг Олборлох үйлдвэрлэлийн ил тод байдлын санаачилгад (ОҮИТБС) Монгол Улс анх 2006 онд нэгдэн орж, 7 жилийн хугацаа өнгөрч байна.

ОҮИТБС-ын тайлангаа чанартай гаргацгаая сэдэвт сургалтыг АМГ, ОҮИТБС-ын ажлын албанаас 2013 оны 3 дугаар сарын 26-ны өдөр Засгийн газрын 11-р байр, хуучнаар МҮХАҮТ-ын дугуй танхимд зохион байгуулах гэж байна. Сургалтанд хамрагдах хүсэлтэй тусгай зөвшөөрөл эзэмшигч аж ахуйн нэгжүүд 70110525, 263709, 88007870, 99061708 дугаарын утсуудаар холбогдож бүртгүүлнэ үү.

Монголын ОҮИТБС-ын Үндэсний зөвлөл, Ажлын хэсгийн гишүүн Нээлттэй нийгэм форум, Төлсөн авснаа нийтэл (ТАН) эвслээс ОҮИТБС-ын 2006-2011 оны нэгтгэлийн тайланд дүн шинжилгээ хийж, тусгайлсан зөвлөмж бүхий судалгааны тайлан бэлтгэн гаргасныг та бүхэнд толилуулж байна.

Энэхүү судалгааны ажлын гол зорилго нь 2006-2011 онд ОҮИТБС-ын тайлангаар хуримтлагдсан мэдээ, мэдээллийг ашиглахад амар хялбар хэлбэрт оруулах, тоо мэдээлэлд дүн шинжилгээ хийн танилцуулах, улмаар мэдээллийн ашиглалтыг сайжруулах, энгийн ард иргэдэд илүү ойртуулахад оршино. 

Монголын ОҮИТБС-ын ажлын алба, Ашигт малтмалын газартай хамтран 2013 оны 2 дугаар сарын 6-ны өдөр уул уурхайн компаниудад зориулан 2012 оны тайлан гаргахтай холбогдуулан сургалт зохион байгуулах гэж байна. Сургалт 2013 оны 2 дугаар сарын 6-ны өдөр, 14-17 цагийн хооронд Засгийн газрын 11-р байр буюу хуучнаар МҮХАҮТ-ын дугуй танхимд болно. Сургалтанд хамрагдах хүсэлтэй байгууллагууд eiti.finance@gmail.com, 70110525, 88007870, 263709 дугаарын утсуудад холбогдон бүртгүүлнэ үү.