Олборлох үйлдвэрлэлийн ил тод байдлын санаачилгын Ажлын хэсгийн 42-р хуралдаан 11 дүгээр сарын 18-ны өдөр ТЕГ-ын хурлын танхимд боллоо. Хуралдааныг ТЕГ-ын дэд дарга Н.Заяабал удирдан явуулав. Хуралдаанаар Монгол Улсын ОҮИТБС-ын 2015 оны нэгтгэл тайлангийн явц, Монголын ОҮИТБС-ын 2016 оны ажлын төлөвлөгөөний биелэлт, 2017 оны ажлын төлөвлөгөөний төсөл, Ашиг хүртэгч эздийг ил болгох 2020 замын зургийн төсөл зэрэг асуудлуудыг хэлэлцэж гишүүдийн гаргасан саналыг тусган энэ 12 дугаар сард зохион байгуулагдах Үндэсний зөвлөлийн хуралд танилцуулахаар боллоо. 

"Ховдын толь" ТББ нь 2015 онд Нээлттэй Нийгэм Форум (ННФ)-ын санхүүжилт болон арга зүйн дэмжлэгтэйгээр Ховд аймгийн Дарви суманд орших Хөшөөтийн нүүрсний ордод үйл ажиллагаа явуулж байгаа МоЭнКо ХХК болон Ховд аймгийн хооронд байгуулагдсан Хамтран ажиллах гэрээний хэрэгжилтэд хөндлөнгийн хяналт үнэлгээ хийжээ. "Хөшөөт төслийн хяналт, иргэдийн оролцоо" төслийн хүрээнд хэрэгжсэн энэхүү мониторингоор дэд бүтцийг хөгжүүлэх, орон нутгийн хөгжлийг дэмжих, ажлын байр нэмэгдүүлэх, байгаль орчныг хамгаалах талаарх талуудын үүргийн хэрэгжилтийг үнэлсэн байна.

Монгол Улс ОҮИТБС-ыг ямар түвшинд, хир амжилттай хэрэгжүүлж байгаа талаар ОҮИТБС-ын Олон улсын нарийн бичгийн дарга нарын газраас энэ 7 дугаар сарын эхээр үнэлгээ хийж, холбогдох тайланг англи, монгол хэлээр ирүүлснийг танилцуулж байна. Ирэх 10 дугаар сарын 24-25-ны өдрүүдэд ОҮИТБС-ын Удирдах хороо Казахстан улсын нийслэл Астана хотноо хуралдаж, тайлангийн дүнг батлах болно. Иймд эрхэм та бүхэнд энэ тайланг танилцуулахын хамт, санал, дүгнэлт, зөвлөмж өгч бидний ажилд туслахыг хүсье. Хамтран ажилласанд талархал илэрхийлье. 

2016 оны 8 дугаар сарын 11- ний өдөр ОҮИТБС-ын Ажлын алба, Улаанбаатар аудит корпорацтай хамтран Монгол Улсын ОҮИТБС-ын 2015 оны нэгтгэл тайлан боловсруулах ажлын эхлэлийн семинарыг Пума Империал зочид буудалд зохион байгуулсан байна. Монгол Улсын Ерөнхий сайдын ахлах зөвлөх, ОҮИТБС-ын Үндэсний зөвлөлийн нарийн бичгийн дарга, Ажлын хэсгийн ахлагч Б.Нямаа тэргүүтэй Ажлын хэсгийн гишүүдээс 15 нь семинарт оролцсон байна.

Сонгон шалгаруулалтаар энэ ажлыг хийхээр шалгарч, гэрээ байгуулсан “Улаанбаатар аудит корпорац”-ийн захирал Н.Эрдэнэцог семинарыг удирдан явуулсан байна.

Монголын ОҮИТБС-ын Ажлын хэсгийн 41 дүгээр хуралдаан 8 дугаар сарын 4-ний өдрийн 10,00 цагт Германы олон улсын хамтын ажиллагааны нийгэмлэгийн Эрдсийн иж бүрэн түншлэлийн байрны 1 дүгээр давхарын танхимд болов.  Хуралдааныг Монгол Улсын Ерөнхий сайдын ахлах зөвлөх, ОҮИТБС-ын Үндэсний зөвлөлийн нарийн бичгийн дарга, Ажлын хэсгийн ахлагч Б.Нямаа хуралд оролцож, удирдах байсан боловч Монголбанк дээр гэнэтийн ажилтай болсон тул Ажлын хэсгийн нарийн бичгийн дарга, албаны зохицуулагч Ш.Цолмонгоор удирдуулсан байна.

Монголын ОҮИТБС-ын Ажлын хэсгийн 40 дугаар буюу 2016 оны анхдугаар хуралдаан  4 дүгээр сарын 22-ны өдөр 11,00 цагт Уул уурхайн яамны 2 дугаар давхарын хурлын танхимд зохион байгуулагдсан болно.  Ажлын хэсгийн хуралдааныг Уул уурхайн яамны Стратегийн бодлого, төлөвлөлтийн газрын дарга Др.М.Баянмөнх удирдав. Монгол Улсын Ерөнхий сайдын ахлах зөвлөх, ОҮИТБС-ын Үндэсний зөвлөлийн нарийн бичгийн дарга, Ажлын хэсгийн ахлагч Б.Батбаяр хуралд оролцож, гишүүдтэй санал бодлоо хуваалцав. Хуралдааны хөтөлбөр болон тэмдэглэлийг хавсаргав.  

Ашигт малтмал, цацраг идэвхт ашигт малтмал, түгээмэл тархацтай ашигт малтмалын тусгай зөвшөөрөл эзэмшигч,
газрын тосны бүтээгдэхүүн хуваах гэрээ бүхий аж ахуйн нэгжүүдийн анхааралд

Уул уурхайн яам, Европын сэргээн босголт хөгжлийн банк, Адам Смит Интернэйшл байгууллага, ОҮИТБС-ын ажлын алба хамтран "ОҮИТБС-ын Цахим мэдээллийн нэгдсэн сан"-г олон нийтэд танилцуулах зорилгоор 2016 оны 4 сарын 20-ны өдөр Хэвлэлийн бага хурал зохион байгууллаа.

(Сонгон шалгаруулалт дахин явуулах тухай)

Монголын Олборлох үйлдвэрлэлийн ил тод байдлын санаачилгын 10 дугаар буюу 2015 оны нэгтгэл тайлан боловсруулах хараат бус хянагч нэгтгэгч – (Аудитын консорциум) ийг шалгаруулах гэж байгаа тул зөвлөхийн үйлчилгээ үзүүлэх хүсэлтэй түншлэлүүдийг сонирхлоо илэрхийлэхийг урьж байна.

Монгол Улс 2006 оноос Олборлох үйлдвэрлэлийн ил тод байдлын санаачилгыг амжилттай хэрэгжүүлж, олборлох салбараас төсөвт хүлээн авч буй төлбөр, орлого, тусгай зөвшөөрөл, бүтээгдэхүүний үйлдвэрлэл, борлуулалт, дэд бүтэц, нийгмийн бүтээн байгуулалт, ажиллах хүчин, байгаль орчныг хамгаалах үүргийн хэрэгжилт зэрэг мэдээллүүдийг нийтэд ил тод болгоод байна. 2016 онд ОҮИТБС-ын стандарт шинэчлэн батлагдаж, ил тод байдлын цар хүрээ улам өргөжин тэлснээр олборлох үйлдвэрлэл эрхлэгч компаниудын “ашиг хүртэгч жинхэнэ эзэд”-ийг олон нийтэд нээлттэй зарлах шаардлага тавигдах боллоо.