ТЕНДЕРТ ОРОЛЦОХ ХҮСЭЛТ ХҮЛЭЭН АВАХ ТУХАЙ

Олборлох үйлдвэрлэлийн ил тод байдлын санаачлага (цаашид ОҮИТБС гэнэ)-ын тайлан гэдэг нь нэг талаас олборлох (уул уурхай, газрын тос, байгалийн хий) үйлдвэрлэл эрхэлдэг аж ахуйн нэгжүүд тухайн санхүүгийн жилд улсын болон орон нутгийн төсөвт төлсөн татвар, төлбөрийн хэмжээг батлагдсан маягтын дагуу тайлагнаж, нөгөө талаас Засгийн газар тэдгээр компаниудаас улсын болон орон нутгийн төсвөөр дамжуулан хүлээн авсан татвар, төлбөрийнхөө орлогыг тайлагнах үйл явц юм.

Жил бүр 2 талаас ирүүлсэн тайланг нэгтгэж, тодруулга хийн, баталгаажуулан Монгол Улсын нэгдсэн тайланг хийж гүйцэтгэх дотоодын болон гадаадын хамтарсан аудитын консорциумыг нээлттэй тендерээр сонгон шалгаруулдаг бөгөөд Монгол Улсын ОҮИТБС-ын нэгдсэн 6 дугаар буюу 2011 оны тайланг хийж гүйцэтгэх аудитын консорциумыг сонгон шалгаруулах тендерийг үүгээр зарлаж байна.  (Дэлгэрэнгүй ажлын удирдамжийг хавсралтаас үзнэ үү.)

Энэхүү тендерт оролцох хүсэлтэй консорциумууд сонирхлоо илэрхийлсэн баримт бичгээ 2012 оны 02 дугаар сарын 10-ны өдрийн 17.00 цагаас өмнө Монголын ОҮИТБС-ын ажлын албанд доорхи хаягаар ирүүлнэ үү.

Хаяг: Монголын ОҮИТБС-ын Ажлын алба, Туушин компанийн байр, 306 тоот, Амарын гудамж, СБД, Улаанбаатар хот

Утас: +976 70110525         

Факс: +976 70110155

Цахим шуудан: eiti.secretariat.mn@gmail.com

Ажлын хэсгийн хуралдаан 2011 оны 12 дугаар сарын 23-ны өдрийн 11 цагт Монголын уул уурхайн үндэсний ассоциацийн хурлын танхимд эхлэв.

2011 оны 12-р сарын 15, Улаанбаатар хот, Төрийн ордон—Өнөөдөр Монгол улсын Олборлох үйлдвэрлэлийн ил тод байдлын санаачилга /ОҮИТБС/-ын 2009 оны аудитын нэгдсэн тайланг танилцууллаа.

Энэхүү дөрөвдөх удаагийн тайланг Их Британи, Умард Ирландын Нэгдсэн Вант Улсын Харт Нойрс Лтд компани  болон Монгол улсын Улаанбаатар аудит корпораци ХХК-ийн хамтарсан консерциум хийж гүйцэтгэсэн байна.

 2006 оны нэгтгэл тайланд 25, 2007 оны тайланд 38, 2008 оны тайланд 46 компани оролцож байсан бол 2009 оны тайланд олборлох үйлдвэрлэл эрхэлдэг 363 аж ахуйн нэгжээс 50 сая болон түүнээс дээш төгрөг улс болон орон нутгийн төсөвт төлсөн 101 компани хамрагджээ. Мөн тайланд төр, засгийн 23 яам, агентлаг, 26 төсвийн байгууллага, 20 аймаг, нийслэлийн 6 дүүрэг, 120 сумын ЗДТГ-ууд хамрагдсан аж.

 Тайланг танилцуулах хэвлэлийн бага хурал дээр Ерөнхий сайдын ахлах зөвлөх, ОҮИТБС-ын үндэсний зөвлөлийн нарийн бичгийн дарга Б.Долгор хэлэхдээ тайланд нэгтгэгдсэн татвар, төлбөр, хураамж, хандивын нийт хэмжээ 737.8 тэрбум төгрөг болсон. Аудиторын байгууллагын нотлосон, шийдвэрлэгдээгүй зөрүү нь 58.1 сая орчим төгрөг болсон нь 2008 оны тайлангийн 425 гаруй сая төгрөгийн зөрүүтэй харьцуулахад, хамаагүй бага байна. Зөрүү үүссэн шалтгааныг холбогдох байгууллагууд судалж байгаа гэж онцлон дурдав.

Түүнчлэн, Монгол Улсад Олборлох үйлдвэрлэлийн ил тод байдлын санаачилгыг хэрэгжүүлэх 2011 оны 12 дугаар сараас 2013 оны төлөвлөгөө, ОҮИТБС-ын 2010 оны тайлан гаргах үйл явцын талаар мэдээлэл хүргэсэн байна.

Хэвлэлийн бага хуралд Засгийн газрын ахлах референт, ОҮИТБС –ын ажлын хэсгийн нарийн бичгийн дарга Э.Сумьяа, “Улаанбаатар аудит корпораци” ХХК-ийн ерөнхий захирал Б.Осоргарав, “Улаанбаатар аудит корпораци” ХХК-ийн ахлах аудитор Н.Эрдэнэцог, “Улаанбаатар аудит корпораци” ХХК-ийн ахлах аудитор Б. Мэндбаяр, Нээлттэй нийгэм форумын уул уурхайн менежер, ОҮИТБС-ын үндэсний зөвлөлийн гишүүн Н.Дорждарь, Монголын Уул уурхайн үндэсний ассоциацийн гүйцэтгэх захирал, ОҮИТБС-ын ажлын хэсгийн гишүүн Н.Алгаа, ОҮИТБС-ын ажлын албаны зохицуулагч Ш.Цолмон, харилцаа, мэдээллийн мэргэжилтэн С.Батбаяр нар оролцлоо.

Мөн Өдрийн сонин, Ардын эрх, Ардчилал, news.mn, Улаанбаатар таймс, МОНЦАМЭ агентлаг, МҮОНТ, Монголын радио, Ийгл телевиз, 25-р суваг телевиз, Монгол Телевиз, Сансар, UBS, NBS телевиз зэрэг хэвлэл, мэдээллийн байгууллагын 20 гаруй сэтгүүлчид оролцов.

Дэлгэрэнгүй мэдээлэл авах:

Монгол улс, Улаанбаатар хот,

210620а, Туушин Компаний

төв байр,  Өрөө-306

Утас: +976-11-70110525

Факс:+976-11-70110155 
И-мэйл: eiti.secretariat.mn@gmail.com, Вэб сайт: http://www.eitimongolia.mn

Олборлох үйлдвэрлэлийн ил тод байдлын санаачлага (цаашид ОҮИТБС гэнэ)-ын тайлан гэдэг нь нэг талаас олборлох (уул уурхай, газрын тос, байгалийн хий) үйлдвэрлэл эрхэлдэг аж ахуйн нэгжүүд тухайн санхүүгийн жилд улсын болон орон нутгийн төсөвт төлсөн татвар, төлбөрийн хэмжээг батлагдсан маягтын дагуу тайлагнаж, нөгөө талаас Засгийн газар тэдгээр компаниудаас улсын болон орон нутгийн төсвөөр дамжуулан хүлээн авсан татвар, төлбөрийнхөө орлогыг тайлагнах үйл явц юм.

 Жил бүр 2 талаас ирүүлсэн тайланг нэгтгэж, тодруулга хийн, баталгаажуулан Монгол Улсын нэгдсэн тайланг хийж гүйцэтгэх дотоодын болон гадаадын хамтарсан аудитын консорциумыг нээлттэй тендерээр сонгон шалгаруулдаг бөгөөд Монгол Улсын ОҮИТБС-ын нэгдсэн 5 дугаар буюу 2010 оны тайланг хийж гүйцэтгэх аудитын консорциумыг сонгон шалгаруулах тендерийг үүгээр зарлаж байна.  (Дэлгэрэнгүй ажлын удирдамжийг хавсралтаас үзнэ үү.)

 Энэхүү тендерт оролцох хүсэлтэй консорциумууд сонирхлоо илэрхийлсэн баримт бичгээ 2011 оны 05 дугаар сарын 20-ны өдрийн 17.00 цагаас өмнө Монголын ОҮИТБС-ын ажлын албанд доорхи хаягаар ирүүлнэ үү.

Хаяг: Монголын ОҮИТБС-ын Ажлын алба, Туушин компанийн байр, 512 тоот, Амарын гудамж, СБД, Улаанбаатар хот
Утас: +976 70110525
Факс: +976 70110155
Цахим шуудан: eiti.secretariat.mn@gmail.com

Францын нийслэл Парис хотноо 2011 оны 3 дугаар сарын 1-3- ны өдрүүдэд зохиогдсон ОҮИТБС- ын олон улсын 5 дугаар бага хуралд Монгол Улсын төлөөлөгчид амжилттай оролцлоо. Бага хурлын үеэр үзэсгэлэн гаргаж, Санаачилгын ололт амжилтаа сурталчилан таниулсан байна.